Nurmuhammad

@nurmuhammad_boratov

Zukkolar va Landovurlar Kitob nihoyasiga yetdi, bugun jami 64 bet o'qidim Bugungi o'rganganlarim: "Osiyoliklar boshqa mintaqa vakillaridan anchagina aqilliroq va matematikada boshqalardan kuchliroq, buning sababi esa sholipoyalardir. Oddiy sholichilik matematikani o'rganishga katta turtki bo'lgan deb o'ylaysizmi, adashasiz, yillar davomida osiyoning bir qator mintaqalarida og'ir mehnatga chidamlilik shakllangan, bu bo'lsa sabrni oshirgan. Albatta, matematiklarga ham sabr kerak. Bundan tashqari ularning tillari ham muhim ro'l o'ynagan. Chunki Xitoy, Janubiy Koreya, Yaponiya kabi davlatlarda sonlarning o'qilishi juda qisqa va ancha tushunarli. Amerika yoki boshqa mintaqalardagi odamlarni osiyoliklardan farqi shundaki, ularning maktablarida ta'tillar juda ko'p. Oddiy misol Amerikada maktablardagi o'qish kunlari 180 kunni tashkil etarkan, bu ko'rsatkich Yaponiyada 243 kunga teng ekan. Bu degani tahminan 40 foiz ko'proq. Yapon va Amerika o'quvchisi maktabni bitirganda ularni darajasi yer bilan osmondek bilinadi" Qolganlarini kitobdan o'zingiz o'qiysiz, endi esa o'zimga yoqqan bitta iqtibos keltiraman "Har tong yil bo'yi quyosh chiqmasidan uyg'onadigan odam kambag'al bo'lmaydi" Iqtibos mazmunini chaqib oldingiz degan umiddaman) Kitobga 10 dan 6.5 qo'yaman: 1. Kitob noto'g'ri tarjima qilingan, ball pasligining asosiy sababi shu, chunki kitobda hech qanday Landovurlar haqida ham, Zukkolar haqida ham gap ketmagan, kitobni oxirigacha o'qigan odam biladiki, tilga olingan har bir shaxs o'z taqdirlarining "qurboni" bo'lishgan, nima demoqchiman, ular zukko ham, landovur ham emas, shunchaki ular uchun qulay sharoit va boshqalardan yaxshiroq imkoniyatlar bo'lgan 2. Kitobda aniq bir qo'llanma yoki harakatlar strategiyasi kabi narsalar yo'q, chinakamiga muvaffaqiyat pillapoyasidan ko'tarilmoqchi bo'lsangiz bu kitobni keyinroq o'qish mumkin, bundan ham muhim kitoblar bor. Bu kitobni bo'sh vaqtingiz bo'lgan varoqlash yoki boblarni kichiklashtirilgan xulosasini o'qish yetarli, sababi kitobda insonlarning tarixi, ularga qanday qilib imkoniyatlar ketma-ket kelib qolgani, oilasining ahvoli bolaga va uning kelajagiga qanday ta'sir qilishi kabi mavzular juda chuqur yoritilgan, biroq siz bulardan aniq bir yo'nalish chiqarib ololmaysiz, chunki kitob faqat o'tganlar hayotini o'rganish bilan shug'ullanadi, sizniki yoki menikini qanday o'zgartirish bo'yicha aniq qo'llanma bermaydi. Bu huddi olma qanday daraxtda pishishini tushuntirish va oxirida olmadan sharbat tayyorlash mumkin degandek gap, u yerda retsept emas, shunchaki olma daraxtda paydo bo'lishi to'liq yozilgan Lekin bazi jihatlari sabab unga 5 emas 6.5 qo'yishga qaror qildim: 1. Kitobda tarix yashirilmagan, har bir detall va voqeaga yaxshi yondashilgan, ayniqsa biror shaxs haqida chuqurroq o'rganmoqchi bo'lsangiz, avtobiografik kitob o'rniga shu kitobni o'qishning o'zi yetarli 2. Kitob sizga maqolalar va ilmiy hujjatlardan qanday qilib kuchli bog'liqlik va yaxshi mantiq chiqarishni ham o'rgatadi, undagi jadvallar, yillarning bog'liqligi, kichik statistik tahlillar sizni ham fikrlashingizni oshiradi 3. Tarixda bo'lib o'tgan ba'zi qonli xodisalardan to'g'ri xulosa chiqarishni, aslida bizni madaniyatimiz o'zimizga to'siq ham, tayanch ham bo'la olishi mumkinligi tushunasiz Xullas kitobning qisqacha xulosasi shu, balki ko'p joylarini tushurib qoldirgandurman, ammo qo'limdan kelgancha batafsil yozdim. Endi keyingi kitobni tanlaymiz)

06.07.2026

Uzbekhub'da davom eting

Suhbatlar, guruhlar, stories va reels - hammasi bitta joyda.

Ro'yxatdan o'tish

App Store Google Play