Tasavvur qiling: har oy 5 million so'm daromaddan 10 foizini, ya'ni 500 ming so'mni yig'ib borasiz. Bir yilda jamg'arma 6 million so'm bo'ladi. Bir qarashda yomon emas, lekin 10-12 foizlik inflyatsiyani hisobga olsak, pulning xarid qobiliyati pasayadi. Ya'ni bugungi 6 million so'mga kelasi yili xuddi shu narsalarni avvalgidek sotib olib bo'lmaydi. Shuning uchun pulni shunchaki yig'ib qo'ymasdan, inflyatsiyadan himoyalash va uning qadrini saqlab qoladigan xavfsiz yo'llarini o'ylash kerak.
